Ordu.az xəbər verir ki, Ankaraya rəsmi səfər edən Rütte “X” sosial media platformasında iyulun 7-8-də Türkiyənin ev sahibliyi edəcəyi zirvə ilə bağlı paylaşım edib.

Rütte qeyd edib: “Müdafiə istehsalını və yenilikçiliyi sürətləndirmək NATO üçün ən prioritet hədəflərdən biridir və bu, iyul ayında Ankaradakı zirvəmizin əsas mövzularından biri olacaq”.

NATO sözçüsü Alison Hart da “X” sosial media platformasında etdiyi paylaşımda iyulun 7-8-də keçiriləcək zirvənin hazırlıqlarının davam etdiyini bildirərək qeyd edib: “Müttəfiqimiz Türkiyəyə liderləri qəbul edəcəyi üçün minnətdarıq. Bu, transatlantik təhlükəsizliyi daha da gücləndirmək üçün mühüm toplantı olacaq”.

Sevinc Əliyeva
Ordu.az