Ordu.az xəbər verir ki, şirkət korporativ kimliyini vizyonuna uyğun şəkildə yeniləyərkən, ABŞ-də “Blitz Technology Inc.” şirkətini yaradaraq qlobal əməliyyatlarını genişləndirib.

Şimali Amerikada 4 fərqli istifadəçiyə ixrac

Türkiyədə layihələndirilib istehsal olunan yüksək texnologiyanı beynəlxalq bazarlara daşıyan “Blitz Technology” ABŞ əməliyyatlarının başlaması ilə Şimali Amerika bölgəsində sürətli dinamika əldə edib. Şirkət qısa müddətdə bölgədəki 4 fərqli müştəriyə pilotsuz uçuş aparatı kameralarının ilk ixracını həyata keçirib. Şimali Amerika bazarında daimi oyunçu olmaq hədəfi ilə irəliləyən şirkətin yeni müqavilələr və əməkdaşlıqlarla bağlı danışıqları davam edir.

Yerli layihələrdən qlobal arenaya uzanan uğur

Təkcə beynəlxalq sahədə deyil, Türkiyənin müdafiə ekosistemində də kritik layihələrdə rol alan “Blitz Technology” pilotsuz uçuş aparatları və silah sistemləri üçün hazırladığı yerli faydalı yükləri uğurla sahəyə çıxarıb. Pilotsuz sistemlərə yüksək səviyyəli “görmə qabiliyyəti” qazandıran şirkət; Böyük Britaniya, Ukrayna, Kanada, Cənubi Koreya və ABŞ-nin də daxil olduğu 15-dən çox ölkəyə məhsul və texnologiya ixrac edir.

Pilotsuz sistemlərin “görən gözü”

“Blitz Technology”nin hazırladığı sistemlər ən sadə formada pilotsuz hava, quru və dəniz vasitələrinin sahədə dünyanı görməsini təmin edən qabaqcıl “gözlər” kimi fəaliyyət göstərir. Çəkisi cəmi 250 qramdan başlayıb 7 kiloqrama qədər çatan fərqli sinfinə məxsus bu yüksək texnologiyalı kamera sistemləri başda pilotsuz uçuş aparatları olmaqla sərhəd təhlükəsizliyindən kritik obyektlərin qorunmasına və kamikadze pilotsuz uçuş aparatlarını ovlayan anti-pilotsuz uçuş aparatı sistemlərinə qədər bir çox kritik sahədə istifadə olunur. Şirkətin öz bünyəsində hazırladığı bu avadanlıqlar gecə şəraitində belə aydın görüntü təmin etmə, hərəkətli hədəfləri avtomatik aşkarlayıb izləmə kimi xüsusiyyətləri ilə təhlükəsizlik qüvvələrinə sahədə fasiləsiz kəşfiyyat və müşahidə qabiliyyəti qazandırır.

Sevinc Əliyeva
Ordu.az