Ordu.az xəbər verir ki, bu barədə xarici KİV-lər məlumat yayıb.
Slovakiyanın müdafiə naziri Robert Kaliaakın sözlərinə görə, İsrail istehsalı olan sistemin ilk batareyası ölkənin kritik enerji infrastrukturuna yaxın, açıqlanmayan bölgədə yerləşdirilib.
Kalinák sözügedən məkanı “nüvə elektrik stansiyalarımızın kəsişmə nöqtəsi” kimi xarakterizə edərək, yerləşdirmənin “Jaslovské Bohunice” və “Mochovce” kimi obyektlərin qorunmasına yönəldiyini eyham vurub.
Sistemin yerləşdirilməsindən sonra Slovakiya Silahlı Qüvvələrinin inventarına inteqrasiya prosesi bir neçə həftə də davam edəcək. Bu müddətdə israilli mütəxəssislər də texniki dəstək göstərirlər.
Slovak bölmələrinin əsas hazırlıqlarını tamamladığı, keçid prosesi irəlilədikcə təlim fəaliyyətlərinin davam edəcəyi bildirilib.
2030-cu ilə qədər altı batareya hədəfi
Bratislava hakimiyyəti “Barak” MX tədarükü üçün Təl-Əvivdə yerləşən dövlət şirkəti “Israel Aerospace Industries” ilə 560 milyon avro (658,9 milyon dollar) məbləğində müqavilə imzalayıb.
Müqavilə ümumilikdə altı batareyaya qədər sistemi əhatə edərkən, təhvillərin onilliyin sonuna qədər tamamlanması planlaşdırılır.
İlk göndərişin başlanğıcda 2025-ci ilin sonu ilə 2026-cı ilin əvvəli arasında həyata keçirilməsi nəzərdə tutulurdu. Lakin “mürəkkəb problem” və qismən İrandakı münaqişə ilə bağlı gecikmələr səbəbindən təqvimdə ləngimə yaşanıb.
“Barak” MX sistemi artırılmış mənzilli önləyici raketlərlə 150 kilometrə qədər ballistik raket təhdidləri də daxil olmaqla geniş hava təhdidi spektrinə qarşı çıxmaq üçün hazırlanıb.
Sistem hazırda İsrail donanmasının “Sa’ar” sinfinə məxsus korvetlərində və İsrail Hərbi Hava Qüvvələrinin hava hücumundan müdafiə şəbəkəsində fəal şəkildə istifadə olunur.
Sevinc Əliyeva
Ordu.az
