Ordu.az xəbər verir ki, bunu “Facebook” səhifəsində Eemənistan parlamentinin “Şərəfim Var” fraksiyasının deputatı Tiqran Abrahamyan yazıb.

“Məni təəccübləndirən ilk şey odur ki, müharibənin ağır mövzusu 6 ildir gündəmdədir və məhz indi Qasparyanı narahat etməyə başlayıb.

Niyə keçmiş Baş Qərargah rəisi hakim rejim onun əmri ilə döyüşə gedən hərbçilərə böhtan atanda, təhqir edəndə və nüfuzdan salanda narahat olmurdu?

Generallıq yolu keçmiş insan “Yerablur”da ölmüş əsgərlərinin valideynləri sürüklənərkən və zorakılığa məruz qalarkən nə hiss edirdi? Niyə Onik Qasparyan emosional bəyanatlar vermirdi?”, - deyə Abrahamyan bildirib.

O, həmçinin qeyd edib: “Niyə Qasparyan 2023-cü ildə susurdu? Niyə Qasparyan yalnız müharibə şəraiti ilə bağlı hansısa formada öz adı hallananda narahat olur, gərginləşir və əsəbiləşir? Əgər buna baxmayaraq danışmağa qərar vermisinizsə, deməliyəm ki, açıq-aşkar pis format seçmisiniz.

Sizin deyəcəkləriniz ictimai olmalıdır, görüş və ünsiyyət formatı isə maraqlı şəxslər və qruplarla qarşılıqlı razılaşdırılmış şəkildə müəyyənləşdirilməlidir. Heç birimiz hakim deyilik, səhvlərdən də sığortalanmamışıq, lakin onlara görə üzr istəmək və doğru yolla hərəkət etmək heç vaxt artıq deyil.

Hər kəsin hüquqi, siyasi və mənəvi məsuliyyət ölçüsü isə bunun üçün zəruri şərait formalaşanda, ən azı hakimiyyət dəyişikliyindən sonra obyektiv şəkildə müəyyən edilə bilər”.

Alpər Mövludoğlu
Ordu.az