Ordu.az xəbər verir ki, bunu Vanadzorda seçkiqabağı təşviqat kampaniyası zamanı Ermənistanın ikinci prezidenti Robert Köçəryan bildirib.

“İnsanlar deyirlər: “Yaxşı, əgər bunlar doğrudan da belə düşünürlərsə, onda psixoloqa və ya psixiatra ehtiyacları var, yox əgər belə düşünmürlərsə, deməli bütöv bir xalqı dəli yerinə qoyurlar. Əziz xalq, bizim bütün bunları düzəltmək üçün tarixi imkanımız var və həmin tarixi imkan iyunun 7-sidir. Biz doğrudanmı belə liderlərə malik olduğumuz fikri ilə barışırıq? Əgər yoxsa, onda belə adamları hakimiyyətdən uzaqlaşdırmalıyıq. Hər gün Ermənistan üçün böyük itkidir, amma onları uzaqlaşdırmağın konstitusion yolu qarşımızdadır. Az qalıb və sizinlə birlikdə bunu etməliyik. Bunu bacararıqmı?” - deyə Köçəryan auditoriyaya müraciətlə bildirib.

Bu mətndən sonra iştirakçıların alqışları səslənib, bundan sonra keçmiş erməni prezident sakinlərin suallarını cavablandırmağa başlayıb.

Alpər Mövludoğlu
Ordu.az