Ordu.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

“Gürcüstanın Avropa Birliyinə üzvlüyü, Brüsselin dağıdıcı tələblərini nəzərə alsaq, Gürcüstanın turizm sahəsinə ağır zərbə vuracaq və Gürcüstanda və Rusiyada yaşayan qohumlar arasında əlaqəni təhlükə altına salacaq, çünki onlar bir-birini normal şəkildə ziyarət etmək imkanını itirəcəklər. Bundan əlavə, Gürcüstan ölkəmizə qarşı enerji embarqosuna qoşulmağa məcbur olacaq”, - deyə o bildirib.

O qeyd edib ki, Rusiya respublikanın neft məhsulları və təbii qaz üzrə əsas və etibarlı təchizatçılarından biridir.

“Avropa İttifaqına üzvlük həm də Gürcüstanın əsas bazarları olan Rusiya və MDB ölkələri ilə güzəştli ticarət rejimini itirməsi demək olacaq”, - deyə Zaxarova əlavə edib.

Sevinc Əliyeva
Ordu.az