Ermənistan Baş Qərargah rəisi Parisdə NATO Müttəfiq Birləşmiş Qüvvələrinin komandanı ilə qeyri-rəsmi görüş keçirib

2026/04/1776446023.jpg
Oxunub: 595     21:11     17 Aprel 2026    
Ermənistan müdafiə nazirinin birinci müavini, Silahlı Qüvvələrin Baş Qərargah rəisi, general-leytenant Eduard Asryan Fransanın Silahlı Qüvvələrinin “Orion 26” təliminin yekun mərhələsinin yüksəksəviyyəli qonaqlar günü tədbirlərində iştirak edib.

Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, Ermənistan Silahlı Qüvvələrinin Baş Qərargah rəisi Eduard Asryan Fransanın Silahlı Qüvvələrinin müdafiə qərargah rəisi, general Fabien Mandon ilə görüşüb.

“Görüşdə ikitərəfli əməkdaşlıq və inkişaf perspektivlərinə dair məsələlər müzakirə olunub. Tədbir zamanı general-leytenant Eduard Asryan NATO Müttəfiq Birləşmiş Qüvvələrinin komandanı, general İnqo Qerharts və Fransanın Silahlı Qüvvələrinin quru qoşunları komandanı, general Pier Şill ilə qeyri-rəsmi görüşlər keçirib”, - deyə məlumatda qeyd edilib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Asryan  


Bizi "telegram"da izləyin