Ordu.az xəbər verir ki, bunu rusiyalı analitik Viktor Nadeyin-Rayevski bildirib.

Onun fikrincə, bunun uğuru türk oxunun təsirinin daha da dərinləşməsinə gətirib çıxaracaq ki, bu da Ermənistan üçün çağırışdır.

İrana gəldikdə isə, analitikin sözlərinə görə, İran üçün ABŞ ilə qarşıdurmanın indiki mərhələsi “strateji dayanıqlığın” qələbəsi kimi qəbul olunur.

“Tehran hiss edəndə ki, artıq Vaşinqtona uduzmur və ya geri çəkilmir, onun davranışı daha inamlı və hücumçu olur. Bu mərhələdə İran regional muxtariyyətini dərinləşdirməyə çalışacaq. Əmin olaraq ki, ABŞ sanksiyaları və hərbi təhdidləri artıq əvvəlki dağıdıcı təsirə malik deyil, Tehran “Qərbsiz” regional təhlükəsizlik sistemi qurmağa çalışacaq. Bu isə İranın Cənubi Qafqazda, Mərkəzi Asiyada və Yaxın Şərqdə rolunun kəskin artması deməkdir. İran elə bir “açar dövlət”ə çevrilməyə çalışacaq ki, onunla hesablaşmamaq mümkün olmasın. İkincisi, İran Rusiya və Çinlə formalaşan dünya düzəni ilə əməkdaşlığı gücləndirəcək. Bu isə İranın nüvə və raket proqramları məsələsində daha barışmaz mövqe tutmasına gətirib çıxara bilər. Çünki Tehran hesab edəcək ki, onun güc balansı artıq ABŞ-ni çəkindirmək və öz maraqlarını diktə etmək üçün kifayətdir”, - deyə Rayevski qeyd edib.

Onun sözlərinə görə, Ermənistan üçün neytrallığın qorunması həyati əhəmiyyət daşımaqda davam edir. “Məncə, İran öz şimal sərhədlərinin toxunulmazlığını daha qətiyyətlə müdafiə edəcək, çünki bu sərhədlər onun son geosiyasi dayaq nöqtələrindən biridir. Eyni zamanda, Ermənistan diplomatiyası Tramp administrasiyasının ABŞ-nin regional “maksimum təzyiq” və İranı məhdudlaşdırma siyasəti çərçivəsinə uyğun gələcək tələblərinə hazır olmalıdır. Nəzərə alsaq ki, Tramp administrasiyası İrəvan ilə razılaşmalara önəm verir, bu təhdidi istisna etmək olmaz. Çünki ABŞ öz təsirini möhkəmləndirmək və siyasi planlarını irəli aparmaq üçün güclənir, həmin planlarda isə İranın hansı yerdə olduğunu bilirik”, - deyə o bildirib.

Alpər Mövludoğlu
Ordu.az