Ordu.az xəbər verir ki, bu barədə Ermənistanın “168.am” nəşri “Kim ŞDU tələbələri arasında Rusiyanın 102-ci hərbi bazasının Gümrüdən çıxarılmalı olduğunu təbliğ edir?” başlıqlı məqaləsində yazıb.

Nəşrə görə, məlum olub ki, bu, heç də tək tədbir deyil və Levon Barseğyan vəzifə səlahiyyətlərindən sui-istifadə edərək bu cür təbliğat xarakterli görüşləri, əslində isə “beyin yuma” tədbirlərini tez-tez təşkil edir.

“ŞDU-dan həmin görüşlərin təşkili forması və məzmunu ilə bağlı maraqlı məlumatlar daxil olur. Əsas koordinator, artıq məlumat verdiyimiz kimi, universitetin Təbiət və riyaziyyat fakültəsinin dekanı, əvvəllər Daşnaksütunun fəal tərəfdarı olmuş Levon Martirosyandır. O, hazırda anlaşılmaz siyasi mövqe tutur və görünür, bu mövqe vəziyyətin dəyişməsindən asılı olaraq formalaşır.

Lakin ən maraqlısı odur ki, Levon Martirosyan öz “missiyasını” tamamlayıb tələbələri sorosçularla görüşə yerləşdirdikdən sonra kadrlarda görünməməyə çalışır, axı sabah nə olacağını heç kim bilmir.

Qeyd edək ki, ŞDU tələbələri bizə bildiriblər ki, son belə görüş zamanı Levon Barseğyan və tədbirdə iştirak edən digər sorosçular tərəfindən Gümrüdən Rusiyanın 102-ci hərbi bazasının çıxarılması tezisi fəal şəkildə təbliğ olunub.

Beləliklə, Levon Barseğyan geri çəkilmir: Gümrü bələdiyyə seçkilərində uğursuz məğlubiyyətə uğradıqdan və gümrülülərin onun ideyalarını bölüşmədiyini gördükdən sonra indi həmin ideyaları tələbələr arasında yaymağa qərar verib”, - deyə nəşr bildirib.

Alpər Mövludoğlu
Ordu.az