Ordu.az xəbər verir ki, bu barədə ABC-yə açıqlamasında Avstraliya Silahlı Qüvvələrinin komandanı, admiral Devid Conston bildirib.

“Mən tam əminəm ki, biz hazırkı şəraitdə ora hərbi gəmi göndərə bilərik. Donanmamızın Hörmüz boğazında yaranmış vəziyyətdə fəaliyyət göstərə biləcəyinə şübhəm yoxdur”, - deyə o bildirib.

Öz növbəsində baş nazirin müavini Riçard Marls vurğulayıb ki, Avstraliyanın gəmiçiliyin təhlükəsizliyinin təmin edilməsində iştirakı “hələ də müzakirə olunur” və yekun qərar tərəfdaşlarla məsləhətləşmələrdən asılı olacaq.

Fevralın 28-də ABŞ və İsrail İrana qarşı hərbi əməliyyata başlayıb. Aprelin 7-də prezident Tramp iki həftəlik atəşkəs elan edib. Tərəflər Hörmüz boğazını açmağa razılaşıblar. Münaqişədən əvvəl dünya neft ixracının təxminən beşdə biri bu boğazdan keçirdi. Tehran “müdafiə hücumlarını” dayandırmağa razılaşıb, şərt isə İrana qarşı zərbələrin də dayandırılmasıdır.

Sevinc Əliyeva
Ordu.az