Ordu.az xəbər verir ki, bunu erməni siyasi şərhçi, politoloq Edqar Elbakyan deyib.

Onun sözlərinə görə, bu, seçicilərin azad iradəsinə qarşı yönəlmiş bir təhdid, şantaj və hətta zorakılıqdır.

Erməni politoloq vurğulayıb ki, hər bir hakimiyyətin vəzifəsi hər nəyin bahasına olursa-olsun yenidən seçilmək deyil, ilk növbədə demokratik, azad və ədalətli seçkiləri təmin etməkdir.

Elbakyan qeyd edib ki, hökumət və hakimiyyət orqanlarının vəzifəsi xarici təhdidlərin qarşısını almaq və onları zərərsizləşdirməkdir, öz xalqını müharibə ilə qorxutmaq deyil.

Bu şəraitdə, xüsusən də Ermənistanda Avropa tipli “hibrid yuvası” yaratmaq perspektivini nəzərə alaraq, erməni politoloq seçkilərin artıq saxtalaşdırıldığını indidən qeyd etməyi təklif edir. Lakin o, həm də bildirib ki, əgər seçkilər həqiqətən ədalətli keçsə, bu hakimiyyət yenidən seçilməyəcək.

“Bu, məlumat deyil, bu bir təhdiddir, şantajdır, əgər istəsəniz, seçicilərin iradəsinə qarşı zorakılıqdır. Ümumiyyətlə, əgər ölkə demokratikdirsə və hakimiyyət seçkilər yolu ilə formalaşırsa, istənilən hakimiyyətin vəzifəsi insanların öz iradələrini azad şəkildə ifadə edə biləcəyi şəraiti təmin etməkdir. Mən indi öz adımdan, bir politoloq kimi çıxış edirəm və bunu vurğulayıram, çünki 2021-ci il seçkilərinin nəticələri böyük mənada, siyasi mənada sonda qəbul edildi”, - deyə Elbakyan bildirib.

Elbakyan Ermənistanda 2021-ci ilin fevralında baş vermiş məlum hadisələri, xüsusilə də general-polkovnik Onik Qasparyanın rəhbərliyi ilə Silahlı Qüvvələrin Baş Qərargahının baş nazir postunu tutan Nikol Paşinyanın və hökumətin istefası tələbi ilə yaydığı bəyanatı xatırladıb:

“Bəli, müxalifət məhkəmə instansiyalarına müəyyən şikayətlər təqdim etdi və s., lakin siyasi mənada bu nəticələr qəbul olundu. Problem yoxdur, bəlkə də belə olması düzgün idi, amma mən bunu qəbul etmirəm. Çünki həmin seçkilərdən bir neçə ay əvvəl Silahlı Qüvvələrin Baş Qərargahı bəyanat yaymışdı ki, bu hakimiyyət ölkənin təhlükəsizliyini təmin etmək iqtidarında deyil. Türkiyə isə daxili işlərimizə müdaxilə edərək mesaj verdi. Buna görə də 2021-ci il seçkiləri əslində ədalətli deyildi və əgər bu templə davam edəcəksə, bunlar da ədalətli deyil. Həyat isə göstərir ki, bu templə gedəcək, insanları təhdid etməlidirlər. İndidən qeyd edək ki, başlanğıcdan qeyri-bərabər rəqabət şərtləri mövcuddur”.

Alpər Mövludoğlu
Ordu.az