Ordu.az xəbər verir ki, bu barədə erməni türkşünas Varujan Geğamyan bildirib.

“Bunun bariz sübutu dünən İranın ən təsirli fiqurlarından biri olan Əli Laricaninin öldürülməsidir. Bunun aralıq nəticələri artıq bütün dünyada, o cümlədən bizdə də hiss olunur”, - deyə o qeyd edib.

Geğamyanın sözlərinə görə, məsələn, Ermənistan Mərkəzi Bankının sədri yaxın günlərdə bildirib ki, Yaxın Şərqdə münaqişənin kəskinləşməsi Ermənistanda inflyasiyaya 1,2-1,7% təsir göstərə və iqtisadi artımı ləngidə bilər.

“Təəssüf ki, İranda gedən müharibə ciddi qəbul edilmir, onun nəticələri və təsiri isə qiymətləndirilmədən qalır. Bu gün səhər Livanın paytaxtı Beyrutdan olan görüntülərə baxın və yenidən regionumuzun real problemləri barədə düşünün”, - deyə o vurğulayıb.

Alpər Mövludoğlu
Ordu.az