Ordu.az xəbər verir ki, “Avtomobilə Quraşdırılmış Yüksək Güclü Lazer Sistemi” adlanan prototip sistem “DSEI Japan 2025” müdafiə sərgisində nümayiş etdirilib.
Nazirliyin Təchizat, Texnologiya və Logistika Agentliyi (ATLA) tərəfindən hazırlanmış bu sistem xüsusilə qısa mənzilli hava təhdidlərinə qarşı aşağı qiymətli və yüksək mobil bir həll təmin etməyi hədəfləyir.
Sistem pilotsuz uçuş aparatları kimi təhlükələrə qarşı nöqtə müdafiəsi üçün istifadə edilmək üçün nəzərdə tutulub.
8×8 təkərli hərbi avtomobil platformasına inteqrasiya olunmuş lazer sistemi 10 kVt lazer qülləsinə malikdir. Yığcam quruluşu sayəsində sürətli yerləşdirmə və yenidən yerləşdirmə təklif edən sistem ənənəvi sursata ehtiyac olmadan hədəfləri zərərsizləşdirə bilir.
Müdafiə rəsmiləri sistemin çoxtəbəqəli hava hücumundan müdafiə arxitekturaları daxilində oyun qaydalarını dəyişdirmək potensialına malik olduğunu vurğulayıblar. Rəsmilər qeyd ediblər ki, lazer sisteminin hər atış qiyməti adi döyüş sursatları ilə müqayisədə olduqca aşağıdır.
Sevinc Əliyeva
Ordu.az
