Rumıniya Norveçdən daha 2 F-16 qırıcısı alıb

2025/05/1748246955.jpg
Oxunub: 435     11:50     27 May 2025    
Rumıniya Hərbi Hava Qüvvələrini (HHQ) modernləşdirmək səyləri çərçivəsində Norveçdən daha 2 “F-16 Fighting Falcon” döyüş təyyarəsi alıb.

Ordu.az xəbər verir ki, təyyarələr 71-ci “General Emanoil Ionescu” aviabazasının uçuş-enmə zolağına enib.

Tədarükü rəsmi olaraq Rumıniya Müdafiə Nazirliyi elan edib.

Bu çatdırılma Rumıniya və Norveç hökumətləri arasında imzalanmış 32 F-16 döyüş təyyarəsinin tədarükünə dair hərtərəfli sazişin bir hissəsidir. Müqaviləyə, həmçinin ABŞ hökuməti tərəfindən təqdim olunan ilkin logistik dəstək paketi, əlavə avadanlıq və xidmətlər daxildir.

F-16-lar hazırda Rumıniya HHQ-nin inventarında olan digər təyyarələrlə birlikdə milli hava məkanının və NATO missiyalarının mühafizəsi üçün istifadə olunacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Rumıniya   Norveç   F-16  


Bizi "telegram"da izləyin