Ordu.az xəbər verir ki, Akyolun açıqlamaları Türkiyənin müdafiə sənayesində texnologiya inkişafında və yerli istehsal imkanlarında çatdığı səviyyəni ortaya qoyub.

ASELSAN tərəfindən hazırlanmış elektro-optik kəşfiyyat və hədəfləmə sistemləri ailəsinə yeni üzv daxil olur.

Akyol ASELFLIR-500-dən sonra çox daha güclü bir sistem olan ASELFLIR-600-ün inkişaf mərhələsində olduğunu və yaxın gələcəkdə platformalara inteqrasiya ediləcəyini açıqladyıb.

“Tezliklə... Ola bilsin ki, aylar ərzində biz qabaqcıl versiya, qabaqcıl qabiliyyətimiz olan ASELFLIR-600-ü uçuracağıq. Söhbət teleskop kimi hədəfləri axtarıb tapacaq 25 düymlük sistemdən gedir”, - deyə o qeyd edib.

Yeni nəsil sistemin xüsusilə pilotsuz uçuş aparatlarında hədəf aşkarlama və yüksək ayırdetmə təsviri baxımından əhəmiyyətli fərq yaratması gözlənilir.

Akyol dəniz platformalarında xarici asılılığın sona çatdığını ifadə edərək, ASELSAN-ın döyüş gəmiləri üçün inkişaf etdirdiyi alt sistemlərlə yerli və milli səviyyədə bütün funksiyaları yerinə yetirə biləcəyini vurğulayıb.

“Bu gün döyüş gəmisindəki bütün sistemləri milliləşdirən bir ASELSAN-dan danışırıq. ASELSAN bir döyüş gəmisində öz sistemləri ilə aşkarlayır, diaqnoz qoyur, qərar verir, atəş açır və yönləndirir”, - deyə o vurğulayıb.

Bu bəyanat Türkiyənin müdafiə sənayesində, xüsusilə MİLGEM və buna bənzər milli dəniz platformalarında tam səlahiyyətə sahib olduğunu göstərməsi baxımından diqqət çəkir.

Sevinc Əliyeva
Ordu.az