Təkmil avtonom xüsusiyyətləri və yüksək əməliyyat qabiliyyəti ilə seçilən “Marlin Albatros” müasir döyüş meydanının ehtiyaclarını qarşılamaq üçün hazırlanıb. 250 kq döyüş başlığı daşıya bilən “Marlin Albatros” fərdi və ya qrup halında hədəfləri zərərsizləşdirə bilir.
Asimmetrik hücum birləşmələri yaratmaq qabiliyyəti sayəsində müxtəlif missiya ssenarilərində istifadə edilə bilər. O, avtonom missiya planlaması, dinamik yol xəritələri yaratma, sabit və ya hərəkət edən maneələrdən qaçma kimi imkanlara malikdir.
“Marlin Albatros”un qabaqcıl xüsusiyyətlərinə aşağıdakılar daxildir:
Aşağı Radara Görünmə Sahəsi və Termal İz: Vasitə aşağı aşkar edilə bilən dizaynı ilə diqqət çəkir.
Qabaqcıl Rabitə Sistemləri: RF, peyk və 4G/LTE əlaqələri sayəsində siqnal qarışdırma vəziyyətində belə fasiləsiz işləyə bilir.
Gündüz və Gecə Əməliyyat Qabiliyyəti: Görüntü əsaslı hədəf aşkarlama və nişan alma xüsusiyyətləri ilə bütün hava və işıq şəraitində əməliyyat həyata keçirə bilir.
Avtonomluq və Sürü Bacarığı: “Marlin Albatros” sürü halında və ya təkbaşına avtonom tapşırıqları yerinə yetirə və müxtəlif ssenarilərə uyğun olaraq vəzifələrini optimallaşdıra bilər.
Texniki Detallar
Ölçülər: 6.0 metr uzunluqda və 1.5 metr endə.
Sürət: Ən yüksək sürət ≥ 45 düyün.
İşləmə Müddəti: 6 saatdan çox.
Hərəkət Sistemi: Su reaktiv sistemi.
Əməliyyat İstifadəsi və Birgə Missiya Qabiliyyəti
“Marlin Albatros” əməliyyat sahəsinə limandan və ya atış platformalarından köçürülə bilər. İnsanlı və insansız platformalarla inteqrasiya olunmuş şəkildə işləyə bilən vasitə komanda-idarəetmə sistemlərinə tam uyğun işləyir.
Dəyanət Ağalarlı
Ordu.az
