Türkiyə HHQ komandanı Britaniyada “Eurofighter Typhoon”u yoxlayıb

2025/02/1740222104.jpg
Oxunub: 548     15:28     22 Fevral 2025    
Türkiyə Hərbi Hava Qüvvələrinin (HHQ) komandanı aviasiya generalı Ziya Camal Kadıoğlu və onu müşayiət edən nümayəndə heyəti Böyük Britaniyada Kral HHQ-nin qərargahını və “RAF Coningsby” aviabazasını ziyarət edərək, “Eurofighter Typhoon” döyüş təyyarələrinə baxış keçirib.

Ordu.az xəbər verir ki, bu barədə Türkiyə Milli Müdafiə Nazirliyinin yaydığı açıqlamada bildirilib.

Açıqlamada qeyd olunub ki, Kadıoğlu və onu müşayiət edən nümayəndə heyəti 2025-ci il fevralın 18-20-də Kral HHQ komandanı general Ser Riçard Naytonun rəsmi dəvəti ilə Britaniyada səfərdə olub.

Bildirilir ki, səfər zamanı Kral HHQ-nin Baş Qərargahı və “RAF Coningsby” aviabazası ilə əlaqə saxlanılıb.

Xatırladaq ki, daha öncə Türkiyə Milli Müdafiə Nazirliyinin mənbələri Türkiyə HHQ-nin əməliyyat ehtiyaclarını qarşılamaq üçün 40 ədəd “Eurofighter Typhoon” döyüş təyyarəsinin alınması prosesinin davam etdiyini açıqlayıb.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Britaniya   Typhoon  


Bizi "telegram"da izləyin