Ordu.az xəbər verir ki, şirkət Birləşmiş Ərəb Əmirliklərinin paytaxtı Əbu-Dabidə keçirilmiş IDEX 2025 Beynəlxalq Müdafiə Sənayesi Sərgisində ilk dəfə 40 mm-lik Qumbaraatan Sursat ailəsini nümayiş etdirib.

Təxminən bir il əvvəl Ankarada “Repkon Ammunition” adlı şirkət quran “Repkon” orta çaplı sursat istehsal etməyi hədəfləyir.


2025-ci ilin sonuna kimi 40 mm-lik sursatların kütləvi istehsalına başlamağı hədəfləyən “Repkon” 40 mmx46 TP sursatı üçün yoxlama sınaqlarını artıq tamamlayıb. Şirkət tezliklə 40mmx53 sursatlarının sınaqlarına başlayacaq.

Biri Avropada, digəri isə Asiyada olan 2 ölkə ilə 40 mm-lik sursat ixracı üçün müqavilə imzalayan “Repkon” ilkin olaraq mexaniki istehsal həyata keçirəcək. Şirkət önümüzdəki dövrdə doldurma və döyüş başlığı fəaliyyətini öz strukturuna daxil etməyi planlaşdırır.

Sevinc Əliyeva
Ordu.az