Ordu.az xəbər verir ki, ABŞ “xarici hərbi satış” çərçivəsində havadan atəş gücü ehtiyatını artırmaq üçün Avstraliyaya 650 milyon dollar dəyərində AARGM-ER satışını təsdiqləyib.
Məlumata görə, alınan silahlar 2023-cü ilin avqustunda təsdiq edilmiş 268 milyon dollarlıq əvvəlki AARGM-ER paketinə əlavə olunacaq.
“Northrop Grumman” tərəfindən hazırlanan AARGM-ER düşmənin “yer-hava” radar sistemlərini aşkarlaya və zərərsizləşdirə bilən havadan buraxılan raketdir.
Raket Avstraliya Kral Hərbi Hava Qüvvələrinin F/A-18F “Super Hornet”, EA-18G “Growler” və F-35A “Lightning II” döyüş təyyarələrinə quraşdırılacaq.
Sevinc Əliyeva
Ordu.az
