Ordu.az xəbər verir ki, Sivas Elm və İncəsənət Mərkəzində təhsil alan 4 şagird müəllimləri Doğan Erolun rəhbərliyi ilə müdafiə sənayesinə töhfə verməyi hədəfləyən innovativ layihəyə imza atıb.

Dörd aylıq gərgin işdən sonra komanda hörümçək ayaqları ilə həm uça, həm də nahamar ərazi üzərində hərəkət edə bilən PUA hazırlayıb. 6 qanadı və 6 ayağı olan bu hibrid PUA süni zəkaya əsaslanan proqram təminatı ilə diqqət çəkir.

12 kiloqram yükgötürmə qabiliyyətinə malik PUA 30 dəqiqəlik uçuş müddəti ilə çətin relyef şəraitində işləmək üçün nəzərdə tutulub.

Üzərindəki qabaqcıl kamera sistemi 3 kilometr məsafədən hərbi qulluqçuları və ya təyin edilmiş hədəfləri aşkar etmək qabiliyyətinə malikdir. Bundan əlavə, o, avtomatik yerə enə və yükünü buraxa bilər.

Sevinc Əliyeva
Ordu.az