Ordu.az xəbər verir ki, bu barədə mərkəzi ofisi Vaşinqtonda yerləşən "POGO" adlı müstəqil bir araşdırma qrupu hesabat hazırlayıb.

Məlumata görə, "Lockheed Martin" şirkəti Belçikaya 8 min uçuş saatı barədə təminat verib. Hesabatda deyilir ki, bu qədər müddətə təyyarənin uçması qeyri-mümkündür.

14 səhifəlik hesabatda o da qeyd olunur ki, təyyarələr uçuş standartlarını yerinə yetirməyib, testlərdən uğurlu keçməyib və təyyarələrdə çatların yaranması müşahidə olunur.

Xatırladaq ki, Belçika 4 milyard avro qarşılığında 34 ədəd F-35 təyyarəsi sifariş verib. Təyyarələrin hamısı 2025-ci ilə qədər təslim ediləcək.

Ağalar Ağalarlı
Ordu.az