Xəbər verdiyimiz kimi, ötən gün cəbhənin Füzuli rayonu istiqamətində düşmənin təxribatı nəticəsində Azərbaycan Ordusunun hərbi qulluqçusu Əlləzov Əlləz Ələddin oğlu şəhid olub.
Ordu.az-ın Qərb bürosunun məlumatına görə, şəhid hərbi qulluqçumuzun nəşi bu gün səhər saatlarında doğulub boya-başa çatdığı Qazax rayonunun Yuxarı Salahlı kəndinə gətirilib. Dəfn mərasimi bu gün təşkil ediləcək.
Qeyd edək ki, Ə.Əlləzov 2018-ci ildə hərbi xidmətə yollanıb. İki qardaşdan biri olan Əlləzov, ailənin böyük övladı olub. O, iyul ayında xidmətini başa vuracaqdı.
