Ordu.az xəbər verir ki, bu barədə məlumatlar erməni jurnalistlərin Müdafiə Nazirliyi ilə “Tiqvan” MMC arasında 19 dekabr 2018-ci ildə bağlanan müqavilənin araşdırılması nəticəsində aşkar edilib.

Həmin müqaviləyə əsasən Ermənistan Müdafiə Nazirliyi öz üzərinə sözügedən şirkətə 15 milyon 840 min dram ödəmək öhdəliyi götürüb. Bu vəsait hesabına “Zinuj” hərbi proqramının yeni səhnəsi təchizatlandırılıb.

Müqavilənin texniki xarakteristikasına görə səhnə 3 hissədən ibarət olmalıdır. Hər bir səhnə ayrıca xüsusi çəkilişlər üçün nəzərdə tutulub.

Erməni jurnalistlər isə ayrılan vəsaitin doğru istiqamətlərdə istifadə edilmədiyini, Müdafiə Nazirliyinin təbliğat-təşviqat resurslarında pul mənimsəmələrinin olduğunu qeyd ediblər. Aşkar edilən məlumatla bağlı Ermənistan Müdafiə Nazirliyi heç bir açıqlama yaymayıb.

Xatırladaq ki, Ermənistanın ictimai televiziyasının efirində nümayiş etdirilən bu verilişi Müdafiə Nazirliyinin “Zinuj Media” dövlət müəssisəsi hazırlayır.

Yeri gəlmişkən bu dövlət müəssisəsi bir il əvvəl Ermənistan hökumətinin qərarı ilə “Zinuj Studiyası”, “Hay Zinvor” rəsmi qəzeti və “Zabitlər Evi” dövlət müəssisələrinin birləşdirilməsi əsasında yaradılıb.

Alpər Mövludoğlu
Ordu.az