Ordu.az xarici KİV-lərə istinadən xəbər verir ki, əməliyyatlar Suriyanın İraqla sərhədindəki Deyr Əz-Zorda həyata keçirilir.

Uzun müddətdir bölgənin səhra ərazilərini nəzarətdə saxlayan İŞİD qüvvələri dünən ordunun şiddətli hücumları nəticəsində geri çəkilməli olub.

Əməliyyatlarla bağlı Suriya Müdafiə Nazirliyindən verilən məlumatda qeyd olunub ki, ötən gün ərzində İŞİD-in nəzarətindəki 1800 kvadrat kilometr ərazi terrorçulardan azad edilib.

Qeyd edək ki, rəsmi rəqəmlər açıqlanmasa da hücum nəticəsində çox sayda terrorçunun zərərsizləşdirildiyi və silahlarının önəmli bir qisminin ordunun nəzarətinə keçdiyi bildirilib.

Dəyanət Ağalarlı
Ordu.az