Hər il mayın 9-da Rusiya İkinci Dünya Müharibəsində qazanılan qələbəni qeyd edir. Moskvada həmin gün şəhərin mərkəzində baş tutan nəhəng paradla əlamətdar olur.
Ordu.az xarici KİV-lərə istinadən xəbər verir ki, bu gün də Rusiya Moskvanın məşhur qırmızı meydanında həyata keçirdiyi hərbi paradda tank, təyyarə, artilleriya və əsgərlərini nümayiş etdirib.
Bugünkü paradda əsgər, hərbi polis və kadetlərdən olmaqla ümumilikdə 13 min canlı qüvvə, 159 döyüş vasitəsi, 75 təyyarə iştirak edib.
Nümayiş etdirilən hərbi texnika arasında Rusiyanın yeni Su-57 stels qırıcıları, “Kinjal” hipersəs raketləri və 10 nüvə başlığı daşıya bilən YARS ballistik raketləri də yer alıb.
