Nazarbayev ABŞ-a Qazaxıstanı hərbi məqsədlərdə istifadə etmək icazəsi verib

2018/05/56f4fae1921bd7c2879b7dff6f28f34534_1515834800_1525509205.jpg
Oxunub: 2878     16:23     05 May 2018    
Qazaxıstan prezidenti Nursultan Nazarbayev Qazaxıstan və ABŞ hökumətləri arasında ölkə ərazisinin Əfqanıstana hərbi yüklərin daşınması üçün istifadə edilməsinə razılıq verilməsi üçün protokolun ratifikasiyası barədə qanun imzalayıb.

Ordu.az xəbər verir ki, bu barədə bu gün Qazaxıstan hökumətinin rəsmi mətbu orqanı olan “Qazaxıstan həqiqəti” nəşri məlumat yayıb.

Məlumata görə, protokol 21 sentyabr 2017-ci ildə Birləşmiş Ştatların Nyu-York şəhərində imzalanıb. Porotkolu Aktau və Kurık limanlarını xüsusi yüklərin daşınması üçün icazəli edən əlavələr tamamlayır.

Daha öncə Qazaxıstan XİN açıqlamasında qeyd edib ki, ABŞ tərəfi ölkəyə xüsusi yüklərin Əfqanıstana daşınması üzrə tranzit marşrutunu dəyişməklə bağlı müraciət edib. Xüsusilə Azərbaycandan Xəzər dənizi vasitəsilə Qazaxıstana – Kurık və Aktau limanlarına, oradan isə Sarıqaeş dəmir yolu vasitəsilə Özbəksitana və oradan Əfqanıstana daşınması marşrutuna böyük üstünlük verildi və artıq Nazarbayevin imzası ilə bu marşrut təsdiq edildi.

Ağalar Qəribov
Ordu.az

© Materiallardan istifadə edərkən hiperlinklə istinad olunmalıdır


Teqlər: Nazarbayev   ABŞ   Hərbi-yüklər  


Bizi "telegram"da izləyin