Ordu.az xarici KİV-lərə istinadən xəbər verir ki, 3,5 milyon kvadrat kilometr ərazini əhatə edəcək əməliyyatlar zamanı Su-35-lər və J-20-lərin də daxil olduğu qabaqcıl qırıcı eskadralarından istifadə ediləcək.

Çin Silahlara Nəzarət və Tərk-silah Assosiasiyasının baş müşaviri Xu Quanqyunun fikirlərinə görə, Çin J-20-ləri Rusiyadan ötən il qəbul edib. Artıq onların real döyüş missiyasına göndərilməsi yeni qırıcıların təlimlərinin və hazırlıqlarının təəccüblü şəkildə sürətli baş verdiyindən xəbər verir.

Qeyd edək ki, oxşar formada XAO-nun Cənubi Çin dənizinə ortaq döyüş missiyaları üçün təsdiq olunmayan sayda Su-35 çoxməqsədli qırıcılar göndərdiyi bildirilir.

İddialara görə, Çin 2015-ci ildə Rusiyadan 2 milyard dollar dəyərində 24 ədəd Su-35 alıb. Bunların çatdırılması isə ötən il başa çatıb.

Xu XAO-nun qabaqcıl qırıcılarının regionda görünməsinin ABŞ-ın provakasiyalarına qarşı cavab tədbirləri olduğunu bildirib.

Ağalar Ağalarlı
Ordu.az