Ordu.az “The Wall Street Journal” nəşrinə istinadən xəbər verir ki, bu barədə ABŞ Konqresinin Donald Tramp administrasiyasına təqdim olunan hesabatında bildirilir.

Məlumata əsasən, 2016-cı ilin noyabr ayından 2017-ci ilin noyabr ayınadək ABŞ-ın Əfqanıstandakı hərbi itkiləri 141 hərbi qulluqçu təşkil edib. Onlardan 14-ü döyüşlərdə həlak olub, 127-si isə yaralanıb.

Bu göstərici daha öncəki il üçün hesabatla müqayisədə 35 faiz artıb. Əsas səbəb olaraq isə ABŞ-ın hərbi əməliyyatların intensivliyini artırması göstərilir.

Qeyd edək ki, daha öncə ABŞ-ın Əfqanıstana əlavə olaraq 1000 hərbi qulluqçu göndərəcəyi ilə bağlı məlumat yayılıb. Əgər belə olarsa, ABŞ-ın Əfqanıstandakı hərbi kontingenti 15 min nəfərə qədər genişlənəcək.

Ağalar Qəribov
Ordu.az