Ordu.az xarici KİV-lərə istinadən xəbər verir ki, bu barədə ABŞ prezidenti Donald Tramp öz “Twitter” səhifəsində məlumat yerləşdirib.

ABŞ lideri bu sözləri Kim Çen Inın öz masası üzərində daimə nüvə düyməsinin olması barədə bəyanatına cavab olaraq bildirib.

“Şimali Koreya lideri Kim Çen In bu yaxınlarda bəyan edib ki, nüvə düyməsi daimə onun masası üzərindədir. Bəlkə, onun tükənmiş və ac rejimində kimsə ona başa salsın ki, mənim də masamda nüvə düyməsi var və o daha böyük, daha güclüdür, həm də mənim düyməm işləyir”, - deyə Tramp bəyan edib.

Qeyd edək ki, Yeni İl təbriki zamanı xalqa müraciətində Kim Çen In nüvə düyməsinin daimə onun masasının üzərində olduğunu və ABŞ-ın KXDR-ə qarşı müharibəyə başlaya bilməyəcəyini bildirib. O həmçinin vurğulayıb ki, ABŞ-ın bütün ərazisi KXDR raketlərinin zərbə radiusunda yerləşir.

North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!

— Donald J. Trump (@realDonaldTrump) 3 января 2018 г.

Ağalar Qəribov
Ordu.az