Ordu.az Bigmir.net saytına istinadən xəbər verir ki, bu barədə Ukrayna müdafiə naziri Stepan Poltorak bəyan edib.

“Bir neçə ay öncə ölkədə döyüş sursatlarının, hər şeydə öncə, defisit olanların istehsalı üzrə zavodun tikintisinə başlamaq üçün 1,4 milyard qriven (84 milyon manat və ya 50 milyon dollar – red.) vəsait ayrılması barədə qərar qəbul etdik”, - deyə Poltorak bildirib.

Ukraynalı nazir qeyd edib ki, zavod defisitdə olan könə döyüş sursatlarının istehsalı ilə məşğul olacaq, lakin yeni silahlar alındıqda, həmin silahlara uyğun döyüş sursatları da istehsal olunacaq.

“2018-ci ildə zavodun tikintisinə başlamağı planlaşdırırıq. Qeyd edim ki, 1,4 milyard qriven bütün vəsait deyil. Biz bu prosesin mərhələli şəkildə aparıldığını dərk edirik. Lakin nəhayətdə, bu zavod Ukrayna Silahlı Qüvvələrini davamlı olaraq döyüş sursatlarıyla təmin edəcək”, - deyə Poltorak vurğulayıb.

Ağalar Qəribov
Ordu.az