Manevrlərdə ümumilikdə 5 mindən çox hərbi xidmətçi iştirak edir. Ordu.az TASS informasiya agentliyinə istinadən xəbər verir ki, bu barədə bu gün Mərkəzi Hərbi Dairənin ordu komandanının köməkçisi Yaroslav Roşupkin bildirib.

“6 ədəd nişan-naviqasiya kompleksi “Hefest”lə təchiz edilən Su-24M bombardmançısı Şimali Uralda yerləşən Şaqol aerodromundan, eyni sayda hücumçu Su-25M təyyarəsi Rusiyanın Qırğızıstanda yerləşən Kant avibazasından gəlib. Mi-8AMTŞ “Terminator” və Mi-24 helikopterləri Novossibirskin Tolmaçevo aviabazasında ağır nəqliyyat təyyarələri An-124-100 “Ruslan” təyyarələri vasitəsilə daşınıb. Ümumilikdə Rusiyadan 40-a yaxın hava texnikası buraya yönləndirilib”, - deyə Roşupkin qeyd edib.

Daha öncə xəbər verilirdi ki, “Sarsılmaz qardaşlıq-2017” təlimlərinin yekun mərhələsində Tacikistanın cənubunda Əfqanıstan ərazisindən gələn şərti terrorçulara qarşı mübarizə tədbirləri işlənir. Manevrlərdə, Rusiyanın “İskəndər-M” raket komplekslərindən də istifadə olunur.

Qeyd edək ki, təlimlərdə Rusiya, Tacikistan, Qırğızıstan, Belarusiya, Ermənistan və Qazaxıstandan olan hərbi birləşmələr iştirak edir.

Ağalar Qəribov
Ordu.az