Ordu.az xarici KİV-lərə istinadən xəbər verir ki, Suriya ərəb ordusunun komandanlığı, hökumət qüvvələrinin İŞİD terror qruplaşmasının mövqelərinə hücumları davam etdirdiklərini və terrorçuları İraqın sərhəddinə doğru daha da sıxışdırdıqlarını bildirib.

Məlumata görə, T-2 nasos stansiyasının ərazisi bütövlükdə terrorçulardan təmizlənib. Mənbənin məlumatına görə, hazırda İŞİD-in nəzarətində olan yeganə böyük yaşayış məntəqəsi Əbu-Kamal şəhərinə qədər cəmi 53 kilometr məsafə qalıb.

Qeyd edək ki, Suriya ordusu terrorçulara iki cəbhədən – həm cənub-qərbdən, həm də qərbdən hücum edəcəklər. Terrorçular Əbu-Kamalı itirəcəkləri təqdirdə, əsas mövqe və güclərini itirəcəklər.

Ağalar Qəribov
Ordu.az