Ordu.az xəbər verir ki, bu barədə Ermənistanın “Hraparak” nəşri yazıb.

Nəşrə görə, Paşinyan özündən başqa demək olar ki, heç kimə tam etibar etmir. Hətta onun müxtəlif tədbir və məclislərdə iştirak edərkən şəxsi xidmətçisini də özü ilə apardığı qeyd olunur.

Qəzetin məlumatına əsasən, Paşinyan Ermənistan Milli Təhlükəsizlik Xidmətinin apardığı sorğulara da tam güvənmir və seçkilər ərəfəsində vəziyyəti daha dəqiq anlamaq, gələcək addımlarını müəyyənləşdirmək üçün ayrıca sorğular sifariş edir.

“Paşinyan seçkilərdə daha yüksək nəticələr əldə edəcəyini gözləyir və ehtimal olunur ki, Milli Təhlükəsizlik Xidmətinin sorğularının nəticələri onun gözləntilərini doğrultmadığı üçün əlavə araşdırmalar aparmağa üstünlük verir”, - deyə nəşr bildirib.

Alpər Mövludoğlu
Ordu.az