Ordu.az xəbər verir ki, bu barədə “Reuters” məlumat yayıb.

Səsvermənin nəticələrinə əsasən, ikiillik müddət üçün BMT Təhlükəsizlik Şurasına Avstriya və Portuqaliya seçilib. Bu nəticə Almaniya üçün ciddi zərbə hesab olunur.

Merts Almaniyanı qlobal məsələlərdə Avropanın aparıcı səsi kimi təqdim etməyə çalışırdı.

“Biz namizədliyimizi qəti inamla irəli sürmüşdük. Məqsədimizə çata bilmədik”, - deyə kansler bildirib.

O vurğulayıb ki, nəticə Almaniyanın BMT-dəki rolunu və öhdəliklərini dəyişmir. “Almaniya çoxtərəfli sistemin etibarlı dayağı olaraq qalır”, - deyə Merts qeyd edib.

Kansler Almaniya ilə birlikdə Təhlükəsizlik Şurasında yer uğrunda mübarizə aparan Avstriya və Portuqaliyanı da təbrik edib. Almaniyanın müxalifətdə olan “Yaşıllar” Partiyası isə bu nəticəni “utancverici məğlubiyyət” adlandırıb.

Partiyanın parlament fraksiyasının sədr müavini Aqneşka Brüqqer bildirib ki, uğursuzluğa görə məsuliyyət tam şəkildə Fridrix Merts və xarici işlər naziri Yohann Vadefulun üzərinə düşür.

Sevinc Əliyeva
Ordu.az