Ordu.az xəbər verir ki, Rubio Havana rəhbərliyini “bir ovuc bacarıqsız kommunist” kimi xarakterizə edib.

“Kommunist olmaq pisdir, amma bacarıqsız kommunist olmaq yəqin ki, daha pisdir”, - deyə Rubio istehza ilə bildirib.

Bununla yanaşı, ABŞ diplomatiyasının rəhbəri Vaşinqtonun Kuba hakimiyyəti ilə əlaqə kanallarını saxlamaq niyyətində olduğunu və “müsbət nəticəyə” nail olmağa ümid etdiyini qeyd edib.

Rubio vurğulayıb ki, ABŞ öz sərhədlərinin yaxınlığında çökməkdə olan dövlətin yaranmasına imkan verə bilməz.

“Bizim sahillərimizdən cəmi 90 mil məsafədə uğursuz dövlətin mövcudluğu ABŞ-nin milli təhlükəsizliyi üçün birbaşa təhdiddir”, - deyə o bildirib.

Sevinc Əliyeva
Ordu.az