Ordu.az xəbər verir ki, bu barədə "Reuters" mənbələrə istinadən məlumat yayıb.
Qeyd olunub ki, Bağdad və Tehran arasındakı sazişin çərçivəsində İraq 4 milyon barel neft daşıyan iki supertankerin boğazdan təhlükəsiz keçidini təmin edib.
"Hazırda İraq əlavə tranzitlər üçün İranın razılığını almaq üzərində işləyir", - mənbələr vurğulayıb.
"Analoji qaydada, İslamabad və Tehran arasında ayrıca ikitərəfli sazişin çərçivəsində Qətər MTQ-si ilə dolu iki tanker Pakistana istiqamətlənib", - "Reuters"a iki mənbədən bildirilib.
Vurğulanıb ki, İraq və Pakistan tranzitlərlə əlaqədar İrana, yaxud İslam İnqilabı Keşikçiləri Korpusuna (SEPAH) birbaşa ödənişlər həyata keçirməyib. Agentliyin məlumatına görə, Qətər ikitərəfli sazişlərə birbaşa cəlb olunmayıb, lakin hakimiyyət orqanları Pakistana yüklərin göndərilməsindən əvvəl ABŞ-ni məlumatlandırıb.
Ordu.az
