Ordu.az xəbər verir ki, bu barədə “Fox News” telekanalı məlumat yayıb.

Tramp bildirib ki, o, Cənubi Amerika dövlətini ABŞ-nin 51-ci ştatına çevirmək imkanını ciddi şəkildə nəzərdən keçirir.

Tramp daha əvvəl Kanada, Qrenlandiya, Panama və Kuba da daxil olmaqla bir sıra suveren dövlətlər və ərazilərlə bağlı ilhaq və ya hərbi güc tətbiqi təhdidləri ilə çıxış edib. Lakin onun son açıqlamaları Venesuela lideri Nikolas Maduro və həyat yoldaşı Siliya Floresin həbsinə yönəlmiş hərbi əməliyyatın başa çatması fonunda səsləndirilib. Həmin əməliyyat neft şirkətlərinin neft infrastrukturunu ələ keçirmək məqsədilə apardığı fəaliyyətlə paralel həyata keçirilib.

“Fox News”un müxbiri Con Robertsin sözlərinə görə, Tramp hazırda “Venesuelanı 51-ci ştata çevirmək addımını ciddi şəkildə nəzərdən keçirir”.

Yanvar ayında Maduronun oğurlanmasından sonra Ağ Evin rəsmiləri Karakasda intensiv danışıqlar apararaq ABŞ enerji və mədən şirkətləri ilə müqavilələrdə vasitəçi qismində çıxış edirlər. Eyni zamanda Vaşinqton müvəqqəti prezident Delsi Rodriges və onun administrasiyası ilə daha sıx əlaqələr qurmağa çalışır. İranla ABŞ arasında müharibənin qlobal enerji təchizatını təhlükə altına qoyması fonunda bu danışıqlar sürətlənib.

“The Independent” yazır ki, Tramp Konqresin razılığı və ya Venesuelanın öz razılığı olmadan bu ölkəni qanuni əsaslarla ABŞ-nin 51-ci ştatı elan edə bilməz. Bununla belə, o, imperiya ambisiyalarını həyata keçirmək üçün hərbi müdaxilə variantını istisna etmir.

Venesuelaya gəldikdə isə, ABŞ artıq Karib hövzəsində son onilliklərin ən böyük hərbi dəniz donanmalarından birini cəmləşdirib və regionda narkotik dövriyyəsində iştirak etdiyi ehtimal olunan gəmilərə qarşı genişmiqyaslı bombardmanları davam etdirir.

Sevinc Əliyeva
Ordu.az