Ordu.az xəbər verir ki, “Samsun Yurt Savunma”nın (SYS Grup) tərkibində fəaliyyət göstərən UNIROBOTICS SAHA İstanbul tərəfindən 5-9 may tarixlərində İstanbul Sərgi Mərkəzində təşkil olunacaq, qlobal müdafiə və aviasiya sənayesinin ən nüfuzlu görüşlərindən biri olan SAHA 2026-da iştirak edəcək.

UNIROBOTICS SAHA 2026 çərçivəsində avtonom və uzaqdan idarə edilən sistemlərin inteqrasiyasından nümunələr təqdim edəcək, dayanıqlı və yüksək performanslı texnologiyalarını tanıdacaq.

Ənənəvi müdafiə sistemlərinin bir nöqtəyə fokuslanan quruluşunu geridə qoyan UNIROBOTICS qısa müddət əvvəl təqdimatını keçirdiyi Dağınıq Mobil Təbəqəli Hava Hücumundan Müdafiə Arxitekturasını SAHA 2026-nın mərkəzinə yerləşdirir. Xüsusilə pilotsuz uçuş aparatı sürüləri və kamikadze pilotsuz uçuş aparatı təhdidlərinə qarşı hazırlanan bu sistem tam mobil, mərkəzsiz və çox təbəqəli quruluşu ilə seçilir.

Sistem sahəyə yayılmış müstəqil platformaların tam koordinasiya içində işləməsini təmin edərək bir nöqtədən asılılığı aradan qaldırır. Bu “dağınıq” quruluş sayəsində geniş sahələrdə əməliyyat davamlılığı təmin olunarkən, asimmetrik təhdidlərə qarşı yüksək çeviklikli müdafiə xətti qurulur.

Müdafiə arxitekturasının mərkəzində yer alan TRAKON Uzaqdan İdarə Edilən Silah Sistemləri (RCWS) müxtəlif mənzil təbəqələrində təhdidləri zərərsizləşdirmə qabiliyyəti ilə diqqət çəkir. UNIROBOTICS-in miqyaslana bilən texnoloji infrastrukturu sayəsində sistem müxtəlif əməliyyat ehtiyaclarına sürətlə uyğunlaşdırılaraq xərc baxımından səmərəli və dayanıqlı həll təqdim edir.

SAHA 2026-nı sadəcə sərgi sahəsi deyil, strateji böyümə platforması kimi görən UNIROBOTICS qrup şirkəti “CANiK” ilə birlikdə inteqrasiya edilmiş müdafiə həllərini sərgiləyəcək. Şirkət sərgi müddətində həyata keçirəcəyi B2B (biznesdən biznesə), B2G (biznesdən dövlətə) və G2G (dövlətdən dövlətə) görüşlərlə mövcud ixrac tempini yeni coğrafiyalara daşımağı hədəfləyir.

Müasir döyüş sahəsinin dəyişən ehtiyaclarına milli mühəndislik gücü ilə cavab verən UNIROBOTICS bunların istifadəsinin genişlənməsində SAHA 2026-nı mühüm fürsət kimi qiymətləndirir.

Sevinc Əliyeva
Ordu.az