Ordu.az xəbər verir ki, bu barədə “Associated Press” məlumat yayıb.

“Associated Press” yazır ki, bu, Yaxın Şərqə yönəlmiş diqqət mərkəzindən uzaqda alyansın şərq cinahının güclü hava qüvvələrini nümayiş etdirib.

Fransanın “Rafale” qırıcıları Litvadakı aviabazadan havaya qalxıb. Onlar NATO-nun hava məkanının qorunmasına yönəlmiş çoxillik səyləri çərçivəsində orada yerləşdirilib.

“Hava-hava” raketləri ilə silahlandırılmış qırıcılara İsveç, Finlandiya, Polşa, Danimarka və Rumıniyadan təyyarələr də qoşulub. Fransa bölməsinin nümayəndələrinin sözlərinə görə, hamısı Rusiya təyyarələrini yoxlamaq və izləmək üçün havaya qalxıb.

Bildirilir ki, “Associated Press”in jurnalisti bazar ertəsi Litvanın “Şyaulyay” iri aviabazasından Fransa bölməsinin reaksiyasının şahidi olub.

Açıqlamaya görə, Rusiya missiyasında iki ədəd səsdən sürətli “Tu-22M3” təyyarəsi, eləcə də təxminən 10 qırıcı (həm SU-30, həm də SU-35) iştirak edib və onlar növbə ilə daha iri strateji bombardmançıları müşayiət ediblər.

Rusiya Müdafiə Nazirliyi bildirib ki, uzaqmənzilli bombardmançıların uçuşu planlaşdırılmış olub və Baltik dənizinin neytral sularının hava məkanında baş tutub. Uçuş dörd saatdan çox davam edib.

NATO bildirib ki, onun blokladığı Rusiya təyyarələri tez-tez transponderlərindən istifadə etmir, hava hərəkəti dispetçerləri ilə əlaqə yaratmır və uçuş planı təqdim etmirlər. Onların müəyyənləşdirilməsi üçün NATO təyyarələri göndərilib. NATO-nun Baltik ölkələrinin hava polisi missiyası çərçivəsində izlədiyi Rusiya uçuşlarının əksəriyyəti Kalininqrad anklavına və əks istiqamətə həyata keçirilir. Bu missiya 2004-cü ildən, Litva, Latviya və Estoniyanın üzvlüyündən etibarən fəaliyyət göstərir.

Hələ Ukrayna müharibəsindən əvvəl NATO ildə təxminən 300 dəfə Rusiya təyyarələrini əsasən Şimali Avropa sularının yaxınlığında bloklayırdı.

Sevinc Əliyeva
Ordu.az