Ordu.az xəbər verir ki, cümə günü Brüsseldə Avropa İttifaqının mənzil-qərargahında keçirilən dialoqda Yaponiyanın iqtisadiyyat, ticarət və sənaye üzrə dövlət naziri Toşiro İno və Avropa Komissiyasının müdafiə və kosmos üzrə komissarı Andrius Kubilius iştirak edib.

Qlobal təhlükəsizlik mühitinin getdikcə daha sərt hala gəldiyi şəraitdə Yaponiya və Avropa İttifaqı müdafiə avadanlıqları üzrə təchizat zəncirlərini gücləndirmək və ABŞ-dən asılılığı azaltmaq üçün sıx əməkdaşlıq etməyi planlaşdırır.

Dialoqda “Subaru Corp.”, “Hitachi Ltd.” və “NEC Corp.” kimi 30-dan çox yapon şirkəti və qurumu, həmçinin Fransanın “Thales”, İtaliyanın “Leonardo SpA” və İsveçin “Saab” şirkətləri daxil olmaqla 20 Avropa firması iştirak edib.

İkili istifadə texnologiyalarına malik bəzi startaplar da biznes imkanları axtarışı məqsədilə dialoqda yer alıblar.

Andrius Kubilius bildirib ki, Yaponiya Avropa İttifaqı üçün “həqiqi eyni düşüncəli tərəfdaşdır” və müdafiə ilə iqtisadi təhlükəsizlik sahələrində əməkdaşlığın əhəmiyyətini vurğulayıb.

Sevinc Əliyeva
Ordu.az