Ordu.az xəbər verir ki, verilən açıqlamada bu sistemlərin Avropadakı yerli tədarükçülərlə əməkdaşlıq çərçivəsində istehsal ediləcəyi vurğulanıb.

“Rheinmetall”ın baş direktoru Armin Papperger bəyan edib ki, “Anduril”in rəqəmsal və avtonom sistemlərinin Avropa istehsal şəbəkəsinə inteqrasiyası regionun rəqəmsal suverenliyini və modul sistem imkanlarını artıracaq.

“Anduril” şirkətinin baş direktoru Brayan Şimpf isə qeyd edib: “Bu əməkdaşlıq birgə istehsal və əməliyyat uyğunluğu ilə yanaşı, suverenliyə hörmətə əsaslanan yeni nəsil müdafiə modelidir”.

Tərəfdaşlıq Avropanın müxtəlif bölgələrində hərbi ehtiyaclara uyğunlaşdırıla bilən asan inteqrasiya edilmiş sistemlərin inkişafına yönəlmiş uzunmüddətli investisiya kimi müəyyən edilir.

Bu yanaşma “Avropa üçün deyil, Avropa ilə” fəlsəfəsinə əsaslanır, yerli nəzarəti, şəffaflığı və çevikliyi vurğulayır.

Sevinc Əliyeva
Ordu.az