“Dassault”la “Reliance” Hindistanda “Falcon 2000” reaktiv təyyarələri istehsal edəcək

2025/06/1750401191.jpg
Oxunub: 419     12:09     20 İyun 2025    
“Dassault Aviation” Hindistanda “Falcon 2000 LXS” biznes təyyarələrinin istehsalı üçün “Reliance Infrastructure Ltd”nin törəmə şirkəti olan “Reliance Aerostructure Limited” (RAL) ilə böyük müqavilə imzalayıb.

Ordu.az xəbər verir ki, bu barədə açıqlama 2025-ci il iyunun 18-də “Paris Air Show” sərgisində verilib.

Təyyarələr Naqpurdakı “Dassault Reliance Aerospace Limited” (DRAL) şirkətində yığılacaq və “Falcon” biznes reaktivləri Fransadan kənarda ilk dəfə istehsal ediləcək.

DRAL, həmçinin “Falcon” reaktivləri üçün Fransadan kənarda ilk Mükəmməllik Mərkəzi (CoE) olacaq, eyni zamanda “Falcon 6X” və 8X modellərinin montaj işlərini dəstəkləyəcək.

Bu təşəbbüslə Hindistan ABŞ, Fransa, Kanada və Braziliya ilə birlikdə bu tip biznes təyyarəsi istehsal edə bilən ölkələr sırasına qoşulacaq.

Tərəfdaşlıq Hindistanın aviasiya və kosmos istehsal hədəflərində yeni mərhələni qeyd edir, DRAL “Dassault Aviation”ın qlobal istehsal şəbəkəsində artan rol oynamağa hazırlaşır.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Dassault   Reliance   Hindistan  


Bizi "telegram"da izləyin