Ordu.az Rusiyanın TASS xəbər agentliyinə istinadən xəbər verir ki, ilk altı təyyarənin Əlcəzair Hərbi Hava Qüvvələrinə 2025-ci ilin sonuna qədər təhvil verilməsi planlaşdırılır.

Bu inkişafı dolayı şəkildə Rusiyanın hərbi-texniki əməkdaşlıq agentliyi FSVTS mayın 22-də Belarusun paytaxtı Minskdə keçirilən MILEX 2025 müdafiə sərgisində elan edib.

FSVTS ölkənin adı çəkməsə də, həm Əlcəzair dövlət televiziyası, həm də Rusiya rəsmilərinin açıqlamaları ilk müştərinin Əlcəzair olduğunu təsdiqləyib.

Əlcəzairli pilotlar “Su-57E” təyyarələrini aktiv xidmətə hazırlamaq üçün hazırda Rusiyada təlim keçirlər. Sövdələşmənin əhatə dairəsi rəsmi olaraq açıqlanmasa da, açıq mənbə hesabatları onun birinci mərhələdə 6 təyyarənin çatdırılmasını əhatə etdiyini göstərir.

Bu satınalma Əlcəzairin Rusiya ilə uzunmüddətli müdafiə əməkdaşlığının bir hissəsidir. “Su-30MKA”, “MiQ-29” və “MiQ-25” kimi təyyarələrlə yanaşı, S-300PMU-2 hava hücumundan müdafiə sistemləri də Əlcəzair inventarındadır.

Sevinc Əliyeva
Ordu.az