Ordu.az-ın məlumatına görə, bu barədə "The Times" qəzeti ölkə hökumətindəki mənbələrə istinadən yazır.

“Nəzərdən keçirilən planlara əsasən, sığınacaq verilməyən miqrantlar Qərbi Balkanlardakı və digər üçüncü ölkələrdəki miqrasiya mərkəzlərinə göndərilə bilər”, - nəşr qeyd edib.

“The Times”ın mənbələri Britaniyanın Albaniya, Serbiya, Bosniya və Herseqovina, eləcə də Şimali Makedoniya ilə miqrantların deportasiyası imkanlarını müzakirə etmək niyyətində olduğunu bildirib. Eyni zamanda, mənbələr bildirirlər ki, əvvəlki Britaniya hökuməti qanunsuz miqrantların Afrika ölkəsinə deportasiyası planını fəal şəkildə irəli sürməsinə baxmayaraq, hökumət Ruandaya sığınacaq axtaranların göndərilməsini istisna edir.

Bundan əlavə, nəşrin yazdığına görə, Böyük Britaniyanın baş naziri Kir Starmer üçüncü ölkələrdə miqrasiya mərkəzlərinin yaradılması imkanlarını nəzərdən keçirən digər Avropa ölkələri ilə əməkdaşlıqda maraqlıdır. London deportasiya edilən hər bir miqrant üçün ev sahibi ölkələrə təzminat ödəməyi planlaşdırır.

Ordu.az