Ordu.az xəbər verir ki, Münxen Təhlükəsizlik Konfransının prezidenti Kristof Heusgen Berlində keçirdiyi mətbuat konfransında bu il fevralın 14-16-da keçiriləcək konfransa Rusiya rəsmilərinin dəvət olunmadığını, Rusiya müxalifətinin aparıcı fiqurlarının Münxendə təmsil olunacağını bildirib.

Heusgen Trampın Ukrayna sülh planının və Yaxın Şərqdəki son vəziyyətin Münxen Təhlükəsizlik Konfransının əsas gündəmində olacağını, bu həftə keçiriləcək təhlükəsizlik toplantısına qatılacaq yüksək səviyyəli rəsmilər arasında ABŞ-nin vitse-prezidenti Ceyms Devid Vens və Ukrayna prezidenti Volodimir Zelenskinin də olacağını bildirib.

Heusgen qeyd edib ki, konfransda 50-dən çox dövlət və hökumət başçısı, o cümlədən NATO-nun Baş katibi Mark Rutte və Avropa Komissiyasının sədri Ursula fon der Lyayen, 100-ə yaxın xarici işlər və müdafiə naziri iştirak edəcək.

Sevinc Əliyeva
Ordu.az