Ordu.az xəbər verir ki, şirkət Türkiyə Silahlı Qüvvələrində istifadə olunacaq yeni nəsil T-155 “Fırtına” 155 mm-lik özüyeriyən haubitsaları üçün “Allison” X1100-5A4 transmissiyasını tədarük edəcək.
Bu yeni müqavilə birinci mərhələnin uğuruna əsaslanan ikinci mərhələ kimi diqqəti çəkir və “Allison”un müdafiə sektorunda böyümə planlarının bir hissəsi olaraq illik əlavə 100 milyon dollar gəlir gətirməsi gözlənilən layihələrdən biridir.
Bu təkmil transmissiya müdafiə əməliyyatları kimi ağır iş dövrlərində aşağı mühərrik sürətlərində səmərəli işləmək qabiliyyəti ilə seçilir.
“Allison Transmission” 2024-cü ilə kimi birinci mərhələ çərçivəsində Türkiyəyə 10 ədəd transmissiya təqdim edib.
Yeni ikinci mərhələ müqaviləsi ilə 32 əlavə transmissiya tədarük ediləcək və tədarüklərin 2026-cı ilin birinci rübündə başlaması planlaşdırılır.
Sevinc Əliyeva
Ordu.az
