ABŞ sualtı qayıqları Avstraliyaya vaxtında çatdırmağa söz verib

2025/02/1739351876.jpg
Oxunub: 379     10:33     13 Fevral 2025    
ABŞ-nin müdafiə naziri Pit Heqset AUKUS (Avstraliya, Böyük Britaniya və ABŞ arasında nüvə sualtı qayığı ittifaqı) çərçivəsində 2030-cu illərin əvvəllərində Avstraliyaya təhvil verilməsi planlaşdırılan sualtı qayıqların vaxtında çatdırılacağına ümid etdiyini bildirib.

Ordu.az “ABC News”a istiandən xəbər verir ki, Heqset avstraliyalı həmkarı Riçard Marleslə Pentaqonda görüşüb.

Pentaqonun rəhbəri qeyd edib ki, ABŞ prezidenti Donald Tramp AUKUS-u dəstəkləyir.

Trampın nazirlər arasındakı görüşdən əvvəl ABŞ-yə 500 milyon dollar ödəniş edən Avstraliya hökuməti ilə AUKUS ittifaqını dəstəklədiyini ifadə edən Heqset 2030-cu illərin əvvəllərində təhvil verilməsi planlaşdırılan sualtı qayıqların vaxtında göndəriləcəyinə ümid etdiyini bildirib.

Pentaqondakı görüş başlamazdan əvvəl Marles qeyd edib: “Tramp administrasiyasının ilk bir neçə həftəsində ilk yarım milyard dollarlıq ödənişi çatdıra bildiyimiz üçün həqiqətən məmnunuq”.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Avstraliya  


Bizi "telegram"da izləyin