Ordu.az xəbər verir ki, komissiya sədri bu barədə “X” səhifəsində məlumat paylaşıb.
Vayntraub bildirib ki, aldığı məktuba əsasən, tutduğu vəzifədən azad edilməsi haqda qərar dərhal qüvvəyə minir.
ABŞ-də azı 40 minə yaxın dövlət qulluqçusu Tramp administrasiyasının “öz istəyi ilə istefa verib, 8 aylıq müavinət almaq təklifini” müsbət qarşıladıqlarını bildiriblər. Ümumilikdə bu cür təklif iki milyona yaxın amerikalı dövlət qulluqçusuna edilib.
Bu arada ABŞ-nin Beynəlxalq İnkişaf İdarəsinin işçilərinin hüquqlarını təmsil edən iki iri həmkarlar ittifaqları Ağ Evin USAID-i bağlamaq və kütləvi ixtisarların aparılması ilə bağlı planına görə prezident Donald Trampı məhkəməyə verib. Məhkəməyə təqdim olunmuş şikayət ərizəsinə əsasən, prezidentin idarəni bağlamağa səlahiyyəti yoxdur.
Ordu.az
