Lakin İranın xaricdə fəaliyyət göstərən müxalifət resursu olan "AbdiMedia" İranın yüksək rütbəli məmurlarının təhlükəni çox ciddi qəbul etdikləri və şəxsi təhlükəsizliklərindən ehtiyat etdikləri barədə məlumat yayıb. Xüsusilə, dini liderin oğlu, Qum Universitetində hüquq professoru olan və böyük ehtimal atasının varisi sayılan Müctəba Xameneinin uzaqdan fəaliyyət göstərəcəyi və Tehranda qalmağa qərar verdiyi qeyd edilir.

Qərb mənbələri İranın keçmiş kəşfiyyat naziri Əli Yunesiyə istinadən bildirir ki, İsrail xüsusi xidmət orqanları bu yaxınlarda İslam İnqilabı Keşikçiləri Korpusunun sıraları da daxil olmaqla güclü casusluq şəbəkəsi yaradıblar ki, nəticədə orta rütbəli zabitlər maliyyə müqabilində İsrailə məxfi məlumatlar ötürüblər.

İsrail kəşfiyyatının keçmiş əməkdaşı, hazırda politologiya sahəsində çalışan Yakov Kedminin Rusiya mətbuatına verdiyi son müsahibəsi bu mənzərəyə diqqət çəkir və o, İsrail xüsusi xidmət orqanlarının İranın nüvə proqramı ilə bağlı məlumatları ABŞ-a çatdırdığına inandırır.

ABŞ-ın mövqeyi isə vəziyyətə xüsusi bir nüans əlavə edir. İsraildən fərqli olaraq, ABŞ HƏMAS hücumlarının arxasında İranın “qulaqlarını” qətiyyən görmür və görünür ki, İsrailin İrana qarşı hərbi addımlar atmasının qarşısını almaq üçün səy göstərir. Lakin xüsusi xidmət orqanlarının imkanlarının birləşdirilməsi qeyri-ictimai, tam məxfi prosesdir, qarşı tərəfin faktiki sübutları olana qədər məsuliyyətdən həmişə qaçmaq olar. Amma bu cür hallarda belə tərəflər əllərində olan məlumatları və ya üçüncü ölkənin hadisədə iştirakını ictimailəşdirməməyə üstünlük verirlər.

Əgər İsrail “intiqam planı”na başlasa, İranda daxili qeyri-sabitlikdən qaçmaq mümkün olmayacaq və belə bir vəziyyət Cənubi Qafqazda da tonların sərtləşdirilməsinə səbəb olacaq. Bu, son dərəcə mürəkkəb bir mozaika olduğunu ortaya çıxarır və Cənubi Qafqazda sabitliyin qorunub saxlanmasında maraqlı olan güc mərkəzlərinin mövqeyinin xüsusən Azərbaycanın oriyentasiyası ilə müəyyənləşdiyini təsdiqləyir.

Aqil Məmmədov
Ordu.az