Ordu.az TASS informasiya agentliyinə istinadən xəbər verir ki, bu barədə məlumatlı mənbələr xəbər yayıblar.

Qanun layihəsinə uyğun olaraq, 4,6 milyard vəsaiti Avropada üstünlüyün saxlanıması məqsədilə NATO üzrə müttəfiqlərin əminliyini artırmaq, bununla da, ABŞ-ın Avropada hərbi üstünlüyünü yüksəltməyə nail olmaq üçün xərcləmək olar. Bu vəsaitin 100 milyon dolları Baltikyanı ölkələrinin müdafiə qabiliyyətini artırmaq üçün istifadə edilə bilər.

Komitədə qərara gəliblər ki, Pentaqonun Rusiya Müdafiə Nazirliyi ilə əməkdaşlığı üçün büdcədən pul ayrılmasına qadağa qoyulsun.
Hazırda, bu qanun layihəsi öncə Nümayəndələr Palatası, sonra isə Konqresin Senatı tərəfindən qəbul edilməli və yalnız bundan sonra onu imzalamaq üçün prezidentə göndərilməlidir. Lakin, layihə hər iki partiya tərəfindən dəstəkləndiyinə görə, bu proses uzun müddət çəkməyəcək.

Əlavə məlumat üçün qeyd edək ki, ABŞ-ın 2018-ci maliyyə ili üçün müdafiə büdcəsinin təxminən 700 milyard təşkil etməsi nəzərdə tutulub. Bu isə, Ağ Evin nəzərdə tutduğundan 26 milyard daha çoxdur.

Ağalar Qəribov
Ordu.az